ఏప్రిల్‌ 2017 నుంచి జిఎస్‌టి అమలుకు చర్యలు : జైట్లీ

22:09 - December 3, 2016

ఢిల్లీ : బ్యాంకు ఖాతాలో డబ్బులను జమ చేసినంత మాత్రానా నల్లధనం తెల్లధనంగా మారదని కేంద్ర ఆర్థికశాఖ మంత్రి అరుణ్‌జైట్లీ స్పష్టం చేశారు. ఈ జమ చేసిన డబ్బుకు పన్ను చెల్లించాల్సి ఉంటుందన్నారు. జిఎస్టీ మండలి సమావేశం అనంతరం మీడియాతో మాట్లాడుతూ జైట్లీ ఈ వ్యాఖ్యలు చేశారు. ఢిల్లీలో రెండో రోజుల పాటు జరిగిన జీఎస్టీ మండలి సమావేశం ఎలాంటి నిర్ణయం తీసుకోకుండానే ముగిసింది. సీజీఎస్‌టీ, ఐజీఎస్‌టీ డ్రాఫ్ట్‌ అంశాలపై ఈ సమావేశంలో చర్చ జరిగినట్లు జైట్లీ వెల్లడించారు. డిసెంబర్‌ 11, 12 తేదీల్లో మరోసారి జీఎస్‌టీ మండలి సమావేశం జరపాలని నిర్ణయించినట్లు మంత్రి పేర్కొన్నారు. జిఎస్‌టిని ఏప్రిల్‌ 2017 నుంచి అమలు చేసే దిశగా ప్రభుత్వం కృషి చేస్తోందన్నారు.

Don't Miss