లారీలపై పెద్ద నోట్ల రద్దు ప్రభావం : ఈశ్వరరావు

09:24 - December 1, 2016

పెద్ద నోట్ల రద్దు లారీలపై తీవ్ర ప్రభావం చూపుతోందని ఆంధ్రప్రదేశ్ లారీ ఓనర్స్ అసోసియేషన్ ప్రధాన కార్యదర్శి ఈశ్వరరావు అన్నారు. జనపథం చర్చా కార్యక్రమంలో ఆయన పాల్గొని, మాట్లాడారు. 'పెద్ద నోట్లను రద్దు చేసిన కేంద్ర ప్రభుత్వం అందుకు తగ్గట్టుగా కొత్త నోట్లను అందుబాటులోకి తీసుకుని రాకపోవడంతో రవాణా రంగం అత్యంత విపత్కర పరిస్థితిని ఎదుర్కొంటోంది. సగం లారీలు షెడ్డుల్లోనే వుంటున్నాయి. కరెన్సీ కొరత కారణంగా అమ్మకాలు, కొనుగోళ్లు తగ్గిపోవడంతో సరకు రవాణా సగానికి సగం పడిపోయింది. దీంతో లారీలకు కిరాయిలు దొరకడం లేదు. ఫలితంగా డ్రైవర్లకు, క్లీనర్లకు జీతాలివ్వలేని పరిస్థితి వచ్చిందంటున్నారు లారీ యజమానులు. మరోవైపు కిరాయిలు తగ్గిపోవడంతో బ్యాంక్ లకు కట్టాల్సిన లోన్ లు, ఈఎంఐలు చెల్లించలేని పరిస్థితి ఏర్పడింది. పెద్ద నోట్ల రద్దుతో ట్రాన్స్ పోర్ట్ రంగం ఎదుర్కొంటున్న సమస్యలపై ఈశ్వరరావు చర్చంచారు. మరిన్ని వివరాలను వీడియోలో చూద్దాం...
 

 

Don't Miss