తెలంగాణకు కేంద్ర ఎన్నికల బృందం...

07:22 - September 11, 2018

హైదరాబాద్ : ముందస్తు ఎన్నికలపై ఈసీ దూకుడు పెంచింది. ఎన్నికల నిర్వహణకు అన్ని ఏర్పాట్లు చేస్తోంది. రాష్ట్ర ఎన్నికల ప్రధానాధికారి రజత్‌కుమార్‌.... సోమవారం ఢిల్లీ వెళ్లారు. కేంద్ర ఎన్నికల సంఘం ఉన్నతాధికారులతో సమావేశమయ్యారు. ఎన్నికల నిర్వహణ, సిబ్బంది, ఈవీఎంలు, బందోబస్తు తదితర అంశాలపై ప్రాథమికంగా చర్చించారు. అనంతరం మీడియాతో మాట్లాడిన ఆయన.. ముందస్తు ఎన్నికల నిర్వహణపై ఎలాంటి నిర్ణయం తీసుకోలేదన్నారు. ప్రస్తుత సమావేశం కేవలం ప్రాథమిక స్థాయిలోనే జరిగిందని చెప్పారు. మరోవైపు తెలంగాణలో జరుగనున్న ఎన్నికలపై కేంద్ర ఎన్నికల సంఘం దృష్టి సారించింది. ఎన్నికల నిర్వహణకు సంబంధించిన అంశాలపై చర్చించేందుకు  మంగళవారం రాష్ట్రానికి కేంద్ర ఎన్నికల బృందం రానుంది. సాయంత్రం రాష్ట్రానికి వచ్చే ఉమేష్‌కుమార్‌ నేతృత్వంలోని ఈ బృందం... అందరి అభిప్రాయలు సేకరించనుంది. సాయంత్రమే  గుర్తింపు పొందిన రాజకీయ పార్టీల అభిప్రాయాలు సేకరిస్తారు. మరునాడు జిల్లాల కలెక్టర్లు, ఎస్పీలు, ఇతర ఉన్నతాధికారులతో భేటీ అయ్యి ఎన్నికల నిర్వహణపై అభిప్రాయాలు తెలుసుకుంటారు. అదేరోజు సాయంత్రం 5 గంటల నుంచి 6.30 వరకు సచివాలయంలో సీఎస్‌, డీజీపీతో సమావేశంకానున్నారు. 

 

Don't Miss