సీపీఎం మహాజన పాదయాత్ర @49 రోజు..

18:06 - December 4, 2016

హైదరాబాద్‌ : కామారెడ్డి జిల్లాలో సీపీఎం మహాజన పాదయాత్ర 49వరోజు కొనసాగుతోంది.. సదాశివనగర్‌, మల్లుపేట, గాంధారి ఎక్స్‌ రోడ్, మోడిగాం, భూంపల్లి, గుడిమెట్టు, జువ్వాడి, గాంధారి గ్రామాల్లో పాదయాత్ర బృందం సభ్యులు పర్యటిస్తున్నారు.. పాదయాత్ర బృందానికి స్థానికులనుంచి అనూహ్య స్పందన వస్తోంది.. గ్రామస్తులు తమ సమస్యల్ని సీపీఎం బృందానికి చెప్పుకుంటున్నారు. మరోవైపు పాదయాత్రలో తెలుసుకున్న ప్రజా సమస్యలపై సీఎం కేసీఆర్‌కు సీపీఎం తెలంగాణ కార్యదర్శి తమ్మినేని వీరభద్రం లేఖ రాశారు. మూడేళ్లనుంచి ఫీజ్‌ రీయింబర్స్‌మెంట్ నిధులు విడుదలకాక విద్యార్థులు అష్టకష్టాలు పడుతున్నారని లేఖలో తెలిపారు. సర్కారునుంచి నిధులు విడుదలకాక ఇటు ఫీజులు కట్టలేక విద్యార్థులు ఒత్తిడికి గురవుతున్నారని లేఖలో రాశారు. వెంటనే ఈ నిధులు విడుదల చేయాలని విజ్ఞప్తి చేశారు.

Don't Miss