వరదలు..రైతులను ఆదుకుంటామన్న బాబు...

20:18 - August 22, 2018

తూర్పుగోదావరి : వరదలతో పంట నష్టపోయిన రైతులను ఆదుకునేందుకు ఏపీ ప్రభుత్వం ముందుకొచ్చింది. హెక్టారుకు పాతిక వేల రూపాయల పరిహారం చెల్లిస్తామని ముఖ్యమంత్రి చంద్రబాబు ప్రకటిస్తారు. తూర్పుగోదావరి జిల్లాలోని వరద ప్రభావిత ప్రాంతాల్లో ఏరియల్‌ సర్వే నిర్వహించిన చంద్రబాబు... ముంపును పరిశీలించారు. మొత్తం 6,600 హెక్టార్లలో పంటనష్టం జరిగినట్టు అధికారులు నివేదించారు. పునరావాస కేంద్రాల్లో తలదాచుకుంటున్న వరద బాధితులను ముఖ్యమంత్రి పరామర్శించారు. అన్ని విధాల ఆదుకుంటామని హామీ ఇచ్చారు. పశ్చిమగోదావరి జిల్లాలో ఎర్రకాల్వ ప్రాజెక్టు పొంగిపొర్లడంతో ఎక్కువ నష్టం జరిగిన విషయాన్ని చంద్రబాబు గుర్తు చేశారు. వర్షాలు, వరదలతో దెబ్బతిన్న రోడ్లు, కాజ్‌వేలు మరమ్మతులుకు నిధుల కేటాయిస్తామని చెప్పారు. మరోవైపు సాగునీటి ప్రాజెక్టుల నిర్మాణానికి విపక్షాలు సృష్టిస్తున్న అడ్డంకులను అధిగమించి... ముందుకుసాగుతున్నామని చంద్రబాబు చెప్పారు. 

Don't Miss