నగదు మార్పిడి చేస్తున్న పోస్టాఫీస్ అధికారులు..

18:04 - December 7, 2016

హైదరాబాద్ : నగదు మార్పిడిలో మోసాలు జరుగుతున్నట్లు వెల్లడైతోంది. నగదు మార్పిడిలో అనేక అవకతవకలు జరుగుతున్నాయని సమాచారం అందుకున్న సీబీఐ అధికారులు నగరంలో ఏకకాలంలో దాడులు నిర్వహించారు. మొత్తం 11 చోట్ల ఈ దాడులు జరిగాయి. చట్టవిరుద్ధంగా మోసాలకు పాల్పడుతున్న పోస్టల్ అధికారులను అరెస్టు చేశారు. అబ్దుల్ ఘనీ, రవితేజ, సురేష్ కుమార్, శ్రీనివాస్ లను అదుపులోకి తీసుకున్నారు. 2.95 కోట్ల రూపాయల నగదును అక్రమంగా మార్చారని సీబీఐ నిర్ధారించింది. అధికారుల ఇళ్లు, ఆఫీసులతో పాటు పలు ప్రాంతాల్లో సోదాలు జరిపినట్లు సమాచారం. కమీషన్ల పేరిట వేరే వారికి డబ్బులు ఇచ్చినట్లు తెలుస్తోంది. గతంలోనే అరెస్టు చేసిన సూపరింటెండెంట్ సుధీర్ చెప్పిన సమాచారంతో ఈ సోదాలు జరిగినట్లు సమాచారం. ఇంకా మరికొంత సిబ్బంది హస్తం ఉన్నట్లు తెలుస్తోంది. 

Don't Miss