మృత్యువు ఇలా కూడా వస్తుంది...

10:03 - September 10, 2018

హైదరాబాద్ : మృత్యువు ఏ రూపంలో వస్తుందో ఎవరికీ తెలియదు. ఇంటి నుండి బయటకు కాలు పెట్టిన వ్యక్తి తిరిగి క్షేమంగా ఇంటికి చేరుతారా ? లేదా ? అనేది తెలియదు. ఎందుకంటే రోడ్డుపై వెళుతుంటే ఏదైనా వాహనం ఢీకొనవట్టవచ్చు. ప్రమాదవశాత్తు ఏదైనా ప్రమాదం జరుగవచ్చు. తాజాగా గచ్చిబౌలిలో బస్సు బీభత్సం సృష్టించింది. గచ్చిబౌలి బస్టాపులో సోమవారం ఉదయం పలువురు బస్సుల కోసం వేచి ఉన్నారు. ఆ సమయంలో అతివేగంగా వచ్చిన ఓ బస్సు పాదాచారులపై దూసుకెళ్లింది. ఈ ప్రమాదంలో ముగ్గురు అక్కడికక్కడనే మృతి చెందారు. బస్సు డ్రైవర్ అతి వేగంగా నడపడమే కారణమని తెలుస్తోంది. బస్సు కింద ఇరుక్కున్న వారిని కాపాడేందుకు స్థానికులు కాపాడారు. కానీ వారు మృతి చెందడంతో ఆ ప్రాంతంలో విషాద ఛాయలు అలుముకున్నాయి. బస్సు సృష్టించిన బీభత్సంతో అక్కడున్న ప్రయాణీకులు భీతిలిపోయారు. పోలీసులు సంఘటనా స్థలానికి చేరుకుని పరిస్థితిని సమీక్షించారు.

 

Don't Miss