ఆసియా క్రీడల్లో 'పసిడి' షూటర్‌ జీవన్‌..

16:57 - August 22, 2018

ఢిల్లీ : ఆసియాడ్‌లో భారత్‌ బుధవారం మరో స్వర్ణ పతకం ఖాతాలో వేసుకుంది. మహిళల 25 మీటర్ల పిస్టల్‌ ఈవెంట్‌లో షూటర్‌ రహీ జీవన్‌ సర్నోబత్‌ పసిడిని గురిచూసి కొట్టింది. ఈ పోరు ఆద్యంతం ఉత్కంఠకరంగా జరగడం గమనార్హం. బంగారాన్ని ముద్దాడేందుకు రహీ రెండు సార్లు షూటాఫ్‌‌లో పోటీ పడటం విశేషం. థాయ్‌ షూటర్‌ యంగ్‌పైబూన్‌, కొరియా అమ్మాయి కిమ్‌ మిన్‌జుంగ్‌ రజత, కాంస్య పతకాలను సొంతం చేసుకున్నారు. దీంతో ఆసియా గేమ్స్‌లో షూటింగ్‌లో గోల్డ్‌ మెడల్‌ సాధించిన మొదటి మహిళగా సర్నోబత్‌ నిలిచింది. కాగా ఆసియా క్రీడల్లో భారత్‌కు ఇది నాల్గవ స్వర్ణం. 

Don't Miss