పోలవరానికి జగన్ సైంధవుడు : దేవినేని

07:31 - December 8, 2016

గుంటూరు : పోలవరం పనులకు వైఎస్ జగన్ సైంధవుడిలా తయారయ్యాడని ఏపీ జలవనరుల శాఖ మంత్రి దేవినేని ఉమామహేశ్వరరావు విమర్శించారు. పోలవరం నిర్మాణ పనులపై జగన్, విజయసాయిరెడ్డి పక్క రాష్ట్రాలకు ఉప్పందిస్తూ ప్రజాద్రోహానికి పాల్పడుతున్నారని ఉమ ఆరోపించారు. ఏపీ సీఎం చంద్రబాబుపై జగన్ ఆవాకులు చవాకులు పేలడం తగదన్నారు. జగన్ ఎన్ని కుట్రలు, కుయుక్తులు పన్నినా పోలవరం నిర్మాణాన్ని అడ్డుకోలేరని, పోలవరం కాంక్రీట్ పనుల ప్రారంభోత్సవానికి కేంద్రమంత్రి ఉమభారతితోపాటు ఇతర మంత్రులను ఆహ్వానిస్తామన్నారు. పోలవరాన్ని అడ్డుకుంటే చరిత్రహీనులుగా మిగులుతారని దేవినేని మండిపడ్డారు. 

Don't Miss