రెండవ ప్రపంచయుద్ధం నాటి బాంబు పేలడంతో చనిపోయిన సైనికులు

Submitted on 9 October 2019
2 Polish Soldiers Killed As WWII Bomb Explodes

రెండవ ప్రపంచ యుద్ధం జరిగిన సమయంలో పెట్టిన బాంబు పేలడంతో యూరప్ లోని పోలాండ్ దేశంలో ఇద్దరు సైనికులు చనిపోయారు. వివరాల్లోకి వెళ్తే.. పోలాండ్‌లో రెండవ ప్రపంచయుద్ధం సమయంలో పెట్టిన ఒక బాంబు ఇటీవల బయటపడింది.

ఆ బాంబును నిర్వీర్యం చేస్తున్న సమయంలో అది ఒక్కసారిగా పేలడంతో ఇద్దరు సైనికులు మృతి చెందారు. ఈ ఘటనలో మరో నలుగురు తీవ్రంగా గాయపడగా అక్కడి రక్షణశాఖ మంత్రి మారియస్ బ్లాస్జాక్ ఈ విషయాన్ని వెల్లడించారు.

సైనికులు ఒక బాంబును నిర్వీర్యం చేస్తుండగా ఈ ఘటన చోటుచేసుకున్నట్లు చెప్పారు. బాంబు రెండవ ప్రపంచయుద్ధం నాటిదని తెలిపారు. కుజ్నియా రాసిబోర్స్కా పట్టణానికి సమీపంలో ఉన్న అడవిలో ఈ బాంబు పేలుడు సంభవించినట్లు సైన్యం వెల్లడించింది.

గాయపడిన వారిలో ఇద్దరి పరిస్థితి కూడా విషమంగా ఉందని అధికారులు చెబుతున్నారు. నాజీ జర్మనీ చేత ఆక్రమించబడిన పోలాండ్‌లో రెండవ ప్రపంచ యుద్ధం బాంబులు ఇప్పటికీ కనిపిస్తూ ఉంటాయి. 

2 Polish Soldiers
WWII Bomb Explodes
World war ll
BOMB
Poland
2 dead

మరిన్ని వార్తలు